DALAWANG buwan na ang nakakalipas mula nang magtapat ng damdamin si Dice kay Zai at sa paglipas ng mga araw ay lumalim ang pagtitinginan ng dalawa. Mula sa simpleng paghanga ay nauwi na iyon sa totoong pagmamahalan. Tila wala na ngang makakapaghiwalay sa dalawa dahil laging magkasama ang mga ito at magkakampi sa kung anong hamon na dumating sa buhay nila.
Hinarap nilang magkasama ang mga nang-aapi sa kanila, ang natitirang araw sa highschool at ang entrance exam sa U.P na pinagsumikapan nila. Lahat ng iyon ay napagtagumpayan nilang magkasama at alam nilang ang mga susunod na pagsubok na haharapin nila pagtuntong nila ng kolehiyo ay makakaya nila.
Mamayang gabi na ang alis nila ni Dice patungo sa Maynila dahil kailangan nilang dumalo ng interview sa U.P para sa mga incoming freshmen katu
