Pigil ang hininga ko habang maingat kong isinusuot sa kanya ang t-shirt niya. Ingat na ingat akong magdikit ang pisngi namin. Pero tila nananadya namang idinikit niya pa ang pisngi niya sa akin.
"Pasaway ka talaga," sabi ko sabay tapik ko pisngi niya. Akmang ilalapit na naman niya ang mukha niya sa akin kaya itinulak ko siya at napahiga siya sa kama.
Tawa naman siya nang tawa na talagang sinadyang inisin ako.
"Wala ka bang kakambal?" tanong ko. Simula kasi nang dumating kami sa kanila hindi na siya nagagalit sa akin. Bigla siyang naging malambing. At kahit pa binu-bully niya ako, hindi na ganoon katalim ang tingin niya sa akin na gaya nang dati. Natatawang bumangon si Jared atsaka naupo sa kama. Inabot pa niya ang dalawang kamay ko atsaka niya ako hinila papalapit sa kanya.
" Bakit mo
