"Samantha, please.. 'wag naman ganito oh?" pakiusap ni Brix habang nananatili ang kanyang mga yakap kay Sam. Hindi na rin nito napigilan ang kanyang mga luha at hindi na halos bitawan ito.
"Brix, tama na.. itigil na natin ito." lumuluha na sabi ni Sam.
Nananatili siyang matigas rito. Buo na ang desisyon niya. Hindi naman ito para sa kaniya kundi para kay Brix. Para maprotektahan ito ay kailangan niya itong pakawalan.
"Akala ko ba ipaglalaban natin itong pagmamahalan natin? ngayon pa ba tayo susuko? Samantha naman."
Umiling si Sam. "Akala mo ba ganun lang kadali sakin Brix? wala eh, hindi umaayon sa mga desisyon natin ang mga nangyayari ngayon. Akala ko kapag naging Reyna na ako ay tuluyan na kitang mapoprotektahan pero hindi pala dahil wala eh, nandyan si Damien. At kahit anong gawi
