Maliwanag na sa labas ng hospital nang lumabas ang result ng CT-Scan ni Mico na minadali pa ng kanyang mga kaibigan dahil kulang na lang ay magwala na siya doon. Uwing-uwi na siya, at ang pakiramdam niyang iyon ay kanina niya pa nararamdaman. Parang may humihila sa kanyang umuwi na, at kausapin ang kanyang asawa. Hindi siya makakapayag na hindi makausap ang kanyang asawa, kahit na ang kapalit noon ay ang lumuhod pa siya sa kanyang harapan upang magmakaawa at ipakita dito na pinagsisisihan niya ang kanyang mga ginawa. Kung pwede nga lang na patalilis na umalis doon ay kanina niya pa iyon ginawa, ngunit bantay sarado ang mga kolokoy. Ni ayaw silang malingat kay Mico na ultimong pagpunta ng banyo ay may kasama.
“Kaunting tiis na lang, lalabas na ang result ng iyong ct-scan.” kumbinsi sa k
