Nagkaroon na ng komosyon at mahinang bulung-bulungan sa buong paligid, unti-unting dumami ang nakiki-usyuso sa kanilang banda na halatang naagaw na ang pansin ng ingay na nilikha doog mag-asawa. At bago pa man makunan ng video at mga litrato ang buong pangyayari ng mga taong nasa paligid nila ay mabilis nang pumalibot sa mag-asawa ang mga bouncer ng nasabing bar. Pilit silang tinatakpan upang maitago ang kanilang pagkakakilanlan sa madla. Tinawagan sila ni Lacim at inutusan na kung anuman ang mangyari doon ay kailangan nilang gawan ito ng paraan na hindi kumalat sa alinmang social media account. Bukod sa masisira ang reputasyon ng kanilang bar ay isa sa mga kaibigan niya pa ang magiging involve sa eskandalo. Kaibigan na kung ituring na ng kanilang samahan ay magkakapatid na.
“Siguraduh
