Sumisipol-sipol pang lumabas ng banyo si Rain. Subalit kaagad na nahulog ang kanyang panga nang makitang wala na ang maraming mga customer sa loob ng nasabing bar kanina. Maliwanag na rin ang kabuohan nito at abala na ang mga waitress at waiter na nililinis na ang mga naging kalat doon. Napasulyap siya sa kanyang relo matapos na makitang wala na rin si Mico sa kanilang table kung saan niya ito iniwan kanina. Isang hinuha ang nabuo sa kanyang isipan na hindi niya maunawaan kung anong nangyari doon dahil halatang halos mawasak ang table. Umangat ang gilid ng kanyang labi, mukhang napalaban na naman ang kaibigan. Hindi na bago ang tagpong iyon sa kaniyang paningin sa tuwing lumalabas sila upang mag-inuman kasama ng iba pa nilang mga kaibigan ay madalas din silang napapagtripan. Hindi niya lan
