Ang isang dangkal na espasyo sa isa't-isa matapos umupo ni Claire sa kanyang tabi, ay lalong nag paurong sa dila ng tinyente.
Subalit, hindi man nagsasalita ang pinuno, hindi naman nito inalis ang pagkakatunghay sa mukha ng dalaga.
Tila ba kina-kabisado ni Edwin ang kariktan nito.
“Edwin, nag-i smoke ka pala? Kawawa ang lungs mo..” muli ay basag ni Claire.
Hindi nawala ang matamis na ngiti sa mga labi nito.
Ito ang nagpabalik sa kanya sa wisyo, sumunod ang "kusang-galaw," ang pagpitik palayo sa nakasinding sigarilyo.
“Oooops”, mahinang bulong ni Edwin.
“Hihihihi, hey okey lang naman sa akin.
Ano lang naman iyong sa akin eh, hmmmmm ano nga ba,?
Concern sa lungs mo hihihihihi..”
“Pero no worries, okey lang talaga sa akin kahit mag-smoke ka, okey?”karagdagang sambit ng dalaga.
