CHAPTER 28
“J-Jeru . . .” sambit niya nang makita itong nakatayo sa may pintuan ng kusina at gulat ring nakatingin sa kanya. Ibig bang sabihin niyon ay hindi nito alam na pupunta siya doon?
“Hijo, halika at tikman mo itong gawa ko,” sabi ni Granny na pinuntahan pa ang lalaki at niyakap.
“Magkakilala kayo?” nagtatakang tanong ni Jeru pagkatapos na yakapin ang matandang Ginang.
“Siya ‘yung tinutukoy ko sa’yo na nakilala kong magaling mag-bake, apo,” nakangiting sagot naman ni Granny.
Apo? Nanlalaki ang mga mata niyang salit-salitan na tiningnan ang dalawa.
“Hija, si Jeru nga pala, ang panganay kong apo,” nakangiting pagpapakilala nito kay Jeru.
“Uhm . . . m-magkakilala na po kami, Granny.” Nagkakamot ng ulong sabi niya sa matanda.
“Really?” anang matanda at hinila palapit sa kanya s
