FOR THE FIRST time ng high school life ko ay ngayon lang ako nakinig nang mabuti sa titser hindi dahil crush ko ang titser namin, siyempre. Wala nang halong kalandian ang pakikinig ko sa titser.
Bawat salita ng titser namin mula sa first subject nitong tanghali hanggang ngayong last subject na ay naka-focus ako kaya ang resulta ay...
"Good work, Katrina... Sana ay magtuloy-tuloy na 'tong ganitong performance mo," sabi ng Physics teacher namin.
"Yes, ma'am. Promise po, hindi na po ako magiging pasaway. Magtitino na po ako sa study ko."
"Good for you. Sana nga. Maaga pa kaya makakabawi ka pa sa mga naunang performance mo." Matapos akong kausapin ni Ma'am Valeriano ay kay Trinity naman siya tumingin. Nang tingnan ko si Trinity ay nakayuko lang siya. "Trinity?" tawag ni Ma'am Valeriano s
