Napakurap-kurap si Lena habang nakatayo sa harap ng Thahara Tower 3 Building. Hindi niya alam kung bakit bigla na lang siyang nakaramdam ng panlalamig. Nangangatog ang mga tuhod niya. HIndi naman haunted ang lugar pero nagtatayuan ang balahibo niya sa kaba. Mali yata ang pasya niya na pumunta sa lugar ng mag-isa. Dapat yata ay nagpasama man lang siya sa binata para alam nito kung nasaan siya kung sakali mang hindi siya makabalik, kung sakaling may gawin sa kaniya ang taong kakausapin niya. Wala pa naman siyang idea kung sino iyon.
Lumakad siya papasok sa building, normal naman ang lahat doon. Maganda at magarbo ang lobby at halatang pang mayaman ang lugar. Agad siyang lumapit sa receptionist at ini-abot ang papel na tangan niya. Kasama iyon sa kahon, kahapon. Nakabalot lang ito nang maay
