Maagang nagising si Lena, kinabukasan. Paanong hindi, kung tanghali pa lang kahapon ay tulog na siya. Hindi na siya nagtanghalian at ganoon din ang hapunan. Hindi na rin niya alam kung anong oras na naman umuwi ng bahay ang kaniyang ina. Tamad na tamad at wala pa rin siyang ganang kumilos. Nang tingnan niya ang cellphone niya ay isang damukal na naman ang text messages doon ng binata. Ganoon rin ang missed calls nito. Nang mabasa iyon ay saka pa lang niya ito sinagot at sinabing nakatulog lang siya, nagpalusot na lang siya at sinabing masama ang pakiramdam niya.
Wala siyang gana, pero kailangan pa rin niyang pilitin ang sarili na gumalaw. Kailangan niyang ituloy ang buhay kahit hindi na niya alam kung paano. May pasok siya ngayon sa ospital, malapit na ang licensure exam niya, at hindi ni
