Akala ni Lena, ay wala nang mas matindi pang problema na kinakaharap silang mag-ina ngayon kundi ang malimas lahat ng pinaghirapan ng ama niya para sa pamilya nila. Hindi pala roon nagtatapos ang lahat. Dahil nang masabi sa kaniya ng ina ang lahat. Halos gumuho na ng tuluyan ang mundo niya.
“Limang milyon, Ma!? Paano? Bakit? Bakit, Ma?” tandang tanda niya ang mga tanong na binitiwan niya para sa ina.
Ni hindi niya alam kung anong oras siya nakatulog sa kakaiyak. Magang-maga ang mata niya nang magising. At wala na naman ang ina niya sa bahay. Bahay na hindi niya alam kung hanggang kailan pa ba nila matitirhan.
“Lena, ayos ka lang ba? Kanina ka pa biglang natutulala, may hindi ka ba sinasabi sa'kin?” tanong ng nobyo sa kaniya. As usual, kung hindi siya ay siguradong ito ang pupunta sa bah
