Magdidilim na nang umuwi si Lena sa bahay. Na-discharge na ang binata at kasalukuyan na itong nagpapahinga sa bahay ng mga ito. Gusto pa sana nito na doon na naman siya patulugin pero tinanggihan na niya dahil kailangan din naman niyang asikasuhin ang problema ng kaniyang ina na hindi pa niya alam kung ano. She wants to talk to her mother about it. Kaya naman laking pagkadismaya niya nang wala siyang nadatnan sa bahay. Maaga itong umalis pero hindi pa rin ito bumabalik, ni hindi pa nga nagalaw ang iniwan niyang ulam na nakatakip sa ibabaw ng lamesa nila. Mas lalo lang tuloy siyang napapaisip kung anong bumabagabag at problema ng ina niya dahil sa mga ginagawa nito. Hindi na normal na ganito ang gawain ng ina niya, palaging wala sa bahay at hindi niya alam kung saan ito nagpupunta.
Tinung
