Hindi niya alam kung bakit umiyak siya samantalang wala namang nakakaiyak sa sinabi nito. Panay ang tulo ng kaniyang mga luha habang nakasubsob siya sa dibdib nito. Mahigpit din ang pagkakayakap niya sa katawan ng binata.
“Tahan na, hindi ko naman gusto na sigawan ka. Masyado lang akong nadala. Kagabi pa ako halos mabaliw-baliw kakaisip kung nasaan ka na,” paliwanag nito.
Umagwat lang siya nang kaunti sa katawan nito pero hindi siya kumalas sa yakap. Hinarap niya ito at nakangusong nagreklamo.
“Eh hindi naman kasi iyon ang dahilan kaya ako umiiyak. Bwesit ka talaga, e. Pwede ba huwag kang nanggugulat ng ganoon, hindi ako ready eh!” saad niya na may kasama pang hikbi. Alam niyang mukha siyang tanga dahil sa reaksyon niya pero wapakels na siya roon. Ang mahalaga ay mukhang didinig na ng
