Pagod siya ngunit hindi rin siya nakatulog ng maayos. Bukod kasi sa iniisip niya kung ayos lang bang iniwan niya mag-isa ang ina ni Kelvin sa ospital, iniisip din niya ang ina niya. Alam niyang hindi iinom ng ganoon karami ang ina niya ng walang masidhing dahilan. Alam niyang may pinu-problema ito at ini-lilihim iyon sa kaniya ng ina. At gusto niyang malaman kung ano iyon.
Pababa na siya ng hagdan nang makitang palabas na rin ito ng pinto. Kaya naman binilisan niya ang hakbang kahit na medyo pu-pungas pungas pa siya sa puyat.
“Ma! Saan na naman kayo pupunta? Ang aga-aga pa, nag-almusal na ba kayo?” Bakas sa mukha ng ina niya na nagulat ito sa pagbaba niya. Hindi siguro nito inasahan na maaga siyang babangon dahil anong oras na rin naman siya natulog kagabi.
“I have a very important thi
