Mugtong-mugto ang mata ni Lena, habang pabalik- balik siya ng lakad sa tapat ng emergency room. Dis-oras na ng gabi nang may tumawag sa cellphone niya at ipaalam ang masamang balita. Halos himatayin siya sa sobrang takot at pag-aalala. Maging ang ina nito ay ganoon din nang magkumahog siya sa pagpalahaw at magmadali palabas ng bahay nito mapuntahan lang ang nobyo niya.
Ang security ng covenience store ang tumawag sa kaniya gamit rin mismo ang cellphone ni Kelvin, at kasalukuyan itong isinasakay sa ambulansya nang dumating siya kasama ang ina nito.
Pinagmasdan niya ang ina ng nobyo niya, nakatulala ito habang naka-upo sa mahabang bench sa loob ng ospital. May tatlong oras na mula nang ipasok ang binata roon ngunit hanggang ngayon ay wala pa rin silang balita. Nilapitan niya ito at hinaw
