“Doon ka na sa bahay matulog, Lena,” yaya sa kaniya ni Kelvin nang malaman nito na wala siyang kasama sa bahay dahil hindi makaka-uwi ang kaniyang ina. Gustohin man niya ay minarapat na lang niyang tanggihan iyon. Kung dati ay sing-blis siya ng kidlat kung magdesisyon sa pagtulog sa bahay ng Tita Janet, na kaibigan ng ina niya, na siyang ina nito, ngayon ay nagdadalawang isip na siya.
Alam niyang hindi malayo na mauulit lang ang nangyari sa kanila nito kung doon pa siya matutulog, at hindi na iyon magandang tingnan lalo pa at hindi pa naman nila nasasabi sa mga magulang nila ang namamagitan na ngayon sa kanila. Alam niyang boto ang mama ni Kelvin sa kaniya, at ganoon din naman ang palaging bukambibig ng ina niya, na kung magno-nobyo siya, dapat daw ay iyon kasing bait at galang ni Kentoy
