Limang minuto na siyang nakatayo sa harapan ng Kaisai International Airport. Katabi niya si Akino na kanina pa busy sa pakikipag-usap sa phone nito. Malamig ang panahon dahil winter pala sa lugar. Kinailangan pa niyang magsuot ng makapal na winter coat at winter boots. Inilahad niya ang kamay upang saluhin ang nalalaglag na pinong yelo mula sa itaas.
“Kapag nakapasa ako sa Nursing Board Exam, gusto kong magtrabaho sa bansa na may snow, Pardz!”
“Naku tigil-tigilan mo 'yang pangangarap Lena! Taglamig nga rito sa Pilipinas kung mangatog ka sobra na, doon pa sa may snow?”
“Kainis ka! Kahit kailan talaga panira ka ng moment e, basta pupunta ako ng Japan, kakain ako ng Ramen at pupunta ako sa Disney Land.”
“May Disney Land din sa Hongkong.”
“Sa Tokyo ang gusto ko, huwag kang epal!”
“At
