Kinabukasan maaga siyang gumising dahil binulahaw kaagad siya ni Akino. Kung anu-ano kaagad ang pinagagawa nito sa kaniya. Kung kani-kanino kaagad siya pinaharap. Mga hindi niya kilalang mga tao. Ang ilan pa sa mga ito ay talagang matatanda na at ang lahat ay pawang nagbibigay galang pa rin sa kaniya kahit na halos triple ng edad niya ang mga ito. Gusto niyang tanungin si Akino ngunit hindi niya nagawa kaagad. Masyadong naging busy ang buong araw pa sa kaniya. Ni hindi pa nga niya nakakausap o nakikita man lang ang ina niya. Hindi man lang nito nakuhang salubongin siya sa pagdating sa banyagang bansa.
At ngayong araw nga ay dinala naman siya ni Akino sa ospital. Nasa labas pa lang sila ay nagdalawang isip pa siya na tumuloy sa loob. Gusto niyang huminga sandali dahil bigla na lang siyang
