“Kelvin, anak, lumabas ka na riyan sa kwarto mo. Kumain ka anak, pakiusap naman huwag ka namang ganyan.”
Nasa labas ng bahay ang kaniyang ina, inaalok siya nito para kumain pero wala siyang pakialam. Panay ang katok nito at kanina pa rin ito pabalik-balik sa pintuan niya na nakasara. Ini-locked niya iyon dahil ayaw niyang makakita ng ibang tao, kahit ang ina niya. Wala siyang ibang gustong makita kung hindi si Lena lang.
Nakaupo siya sa sahig at nakasandal sa baba ng kaniyang kama. Hawak niya ang cellphone na basag ang screen. Panay ang sulyap niya roon. Umaasa na biglang lilitaw ang pangalan ng nobya at magpapasundo na ito sa kaniya. Para siyang mababaliw sa kakaisip ng dahilan. At kahit paulit-ulit niyang basahin ang nilalaman ng maliit na papel na iniwan nito ay wala siyang maintind
