“Ma, bumaba na ba si Lena,” tanong niya sa ina. Pupungas-pungas pa siya nang bumangon nang mapansing wala na ang dalaga sa tabi niya. Bahagya namang tumigil ang ina sa ginagawa at lumapit sa kaniya.
“Hoy Kentoy, baka gusto mo munang pakasalan iyong anak ni Margaret bago mo kami gawan ng apo. Hinayupak kang bata ka! Ang bagal-bagal mo talagang kumilos,” sikmat ng ina sa kaniya at inambaan pa siya ng walis tambo na hawak nito.
“Mama talaga, pakakasalan ko naman si Lena, syempre wala pa akong sariling pera pampakasal kaya mag-iipon muna,” seryosong sagot niya.
Matagal na niyang plano ang mag-propose ng kasal sa dalaga. Ang totoo ay may naipon naman na siya talaga, pero mas gusto niyang bigyan ang dalaga ng pangarap nitong kasal. Alam niya iyon dahil bata pa man sila ay alam na niya ang gu
