Isang araw na ang nakalipas ngunit hindi pa rin mapanatag ang loob ni Lena. Masyado pa rin siyang apektado sa kasinungalingan ng ina niya sa harap ng kaibigan nito. Siya na ang nahihiya sa mga ginawa ng ina niya lalo pa at ganoon pa rin kaayos ang pakitungo sa kanilang mag-ina ng ginang. Mas lalo lang siyang nakakaramdam ng guilt sa mga ginawa niya. Pati ang nalaman niyang nangyari sa kababata nang iwan niya ito. Palakad-lakad siya sa kwarto habang kagat ang kuko sa daliri. Hindi niya lubos maisip na ganoon ang mangyayari kay Kelvin. Alam niya sa sarili niya na habang buhay siyang uusigin ng konsensya niya kung may masamang nangyari sa kababata niya dahil sa kagagawan niya.
Nang mapagod siya sa kalalakad ay nagtungo na lang siya sa playroom ng anak upang tingnan ito. Ang anak na lang kas
