Kuyom ng binata ang kamao habang nakatago sa likurang bahagi ng halaman na tinalon niya. Nagtatangis ang bagang niya sa galit at nagbabaga ang poot sa loob niya. Poot na kayang tumapos ng buhay pero nagawa pa rin niyang tikisin dahil sa paalala ni Akino sa kaniya.
Pangalawang beses na niyang nakita kung paano saktan ng hayop na lalaki na iyon si Lena at hanggang sa ngayon ay wala pa rin siyang magawa para kunin ang babae sa impyerno na kinalalagyan nito. Hindi nga niya sigurado kung sasama ba ito sa kaniya. Inamin niya sa kababata kung gaano pa rin niya ito kamahal ngunit wala siyang nakuhang sagot mula rito. Magkaganoon man ay dama pa rin niya ang pag-aalala ni Lena sa kaniya. Alam niyang may puwang pa rin siya para sa kababata.
Hindi niya alam kung hanggang saan niya kayang tiisin na m
