Umibis siya sa sasakyan kasunod si Akino. Para siyang ibang tao sa suot niyang kulay itim na Hakama, isang traditional Japanese clothes. Ang dalaga na naman ang may pakana. Kaya kahit ayaw niya ay napilitan din siyang sundin ito. Wala siyang nagawa kung hindi ang sumunod lalo na nang makita niyang nakasuot din ang dalaga ng halos kaparehad ng sa kaniya. Makulay nga lang iyon at pambabae ang desenyo. Haori Kimono ang tawag ayon na rin sa dalaga nang tanungin niya ito. Agad naman silang sinalubong ng pawang mga naka-uniporme na tauhan sa lugar. Kahapon pa siya sinabihan at pinaalalahanan ng dalaga na maghanda. Kailangan daw na maging alerto siya sa lahat ng magaganap. Pinaalalahanan din siya ni Akino na huwag magpapakita ng kahit na anong kahinaan sa mga kaharap. Isaksak daw niya sa utak niy
