Matapos ang pakikipag-usap niya sa doktor ng ama niya, napag-alaman niya na mayroon na lang pala itong maikling panahon na nalalabi para makasama sila. Naroon din ang ina niya at panay ang iyak sa pagkikita nilang mag-ama. Inuna niya ang pamilya at pansamantalang nawala sa isip ang hindi inaasahang pagkikita nila ng kababata. Masayang-masaya ang ina niya dahil naging maayos ang pagkikita at pag-uusap nila ng kaniyang ama. Ngunit nang lumabas siya sa kwartong kinaroroonan ng mga magulang niya tila sa isang iglap nagbalik sa kaniya ang namutlang mukha ni Lena nang magkaharap sila nito kanina. Ang gulat sa mga mata nito nang makita siya. At ang hindi inaasahang pagkatuklas niya na mayroon na palang anak ang kababata sa lalaking sinamahan at ipinagpalit nito sa kaniya. Tila nagbaga sa galit a