Nasa harapan si Kenji ng malaking larawan ng kaniyang ama. Sa ibaba niyon ay ang puting magarang sisidlan ng abo nito. Sa gilid ay naroon ang malaking sympathy flowers. Walang patid ang pagdating ng mga kung sinu-sino. Wala ring patid ang pagtanggap ng kaniyang ina sa mga bisita na hindi lamang mula sa bansang ito kung hindi galing pa sa malalayong bansa. Naroon din para magbigay galang at pamamaalam ang iba't ibang Ronins mula sa iba't ibang angkan. May mga Shoguns at Daimyo at may pinadala rin na mensahe mula sa Emperor. Hindi niya sukat akalain na ganito kaimportante ang ama niya sa mga taong ito. Mga taong minsan ay tinulungan ng kaniyang ama. May mga nakipagkilala rin sa kaniya at nagbigay respeto at pagtanggap bilang bagong pinuno. Nakakapagod din pala ang magyuyuko at pakikipagkam
