“Putang*na mo, Timo! Mapapatay kita kapag may nangyari sa asawa ko!” gigil na sigaw niya mula sa kabilang linya ng telepono. Kasalukuyang nasa isang importanteng business meeting siya nang tumawag ang walang hiya at ibalita sa kaniya na dinala nito sa ospital si Lena.
“ʼWag naman boss amo, hindi ko naman kasalanan kung matigas ang ulo ng asawa ninyo! Sinabi ko na, na bawal lumabas dahil may batas! Ayaw makinig, gustong sumama sa pagsundo sa nanay niya. Sinabi ko na tawagan ka muna at mag-comply muna kung papayagan mo o hindi ang kaso boss amo—”
“Tigil-tigilan mo ako Timo, wala akong panahon diyan sa kalukohan mo! Kapag may nangyari diyan sa asawa ko, tandaan mo! Tatandarin ko ng bala iyang bungo mong walang laman!”
“Mukha naman ayos na siya boss amo. ʼWag ka ng masyadong ma-highblood.
