Chapter XXXI
“Akala ko ay naayos na ito?” tanong ko kay Ryuu at Yui. Kasalukuyan akong nasa opisina ngayon dahil sa bali-balitang kumalat na may karelasyon nga raw si Ryuu na pumapasok sa parehong campus kung saan ito nag-aaral. Labis akong kinabahan dahil hindi ko alam kung saan nila nakukuha ang mga impormasyon na ganoon pero iisa lang ang masasabi ko, magagaling silang mag-imbestiga.
Sa sobrang pagkaalarma ko dahil dito ay personal na pinatawag ako ni Yui sa opisina. Pareho kami ngayon ni Ryuu na nakaupo rito sa sofa habang nakatitig sa kanya.
Noong pumutok ang balita sa twitter ay natutulog pa ako no’n. Mabuti na lang at tinawagan ako nitong si Sienna ng sobrang aga para tignan kung anong bagong isyu kay Ryuu na ngayon ay kumalat na sa lahat ng apps ng social media. Akala ko kung
