“Nanay Bebeng, si Mariana ho?” tanong ni Kevin sa matanda.
Nais nya sanang magpasama sa dalaga sa likod ng bahay. Pero sa pagtataka nya ay ang mayordoma ang pumasok sa kanyang silid nang umagang iyon.
“Naku, iho. Linggo ngayon at day off ni Mariana. Maagang umalis at magsisimba raw sya sa bayan. Pero bago umalis ay hinabilin ka naman. Heto nga at sya ang nagluto ng mga ito,” tukoy ng matanda sa tangan nitong tray na puno ng pagkain.
Pumait ang panlasa ni Kevin. Ang bilis naman yatang mag-Linggo. Hindi na nya namalayan ang araw. Parang di na sya sanay na hindi si Mariana ang una nyang nasisilayan sa umaga.
“Hinatid ho ba sya ni Mang Berting?”
“Ay hindi na. Nagising din naman kasi nang maaga si Lucas. Isinabay na si Mariana pagbaba ng bayan.”
“Ibaba nyo na ho yan. H
