PAGKALIPAS ng halos mahigit isang linggo ay nakalabas na ng hospital si Gracie. Sinigurado ni Sam na talagang okay na okay ang anak niya bago idischarge ang anak niya.
"Masigla na ulit ang aming baby!" Masayang sabi ni Martina na siyang kasama niya rin ng ilang araw sa hospital, maliban pa kay Toneth. Hangang sa pag-uwi nga sa mansion ng mga Walton ay sumama pa ang dalaga.
"Kaya nga, mukha na namang papagurin niya ang Ate Toneth niya," aniya sa babae habang inaayos ang nagusot na bedsheet ng kaniyang anak na abala na ngayon sa paglalaro sa sahig kasama si Toneth.
Bumaling sa kaniya si Martina at pabulong na nagtanong, "Hindi pa ba sumasabog na parang bulkan si Sir Gareth at ang tagal mong hindi pumasok?" Sinabi niya kay Martina na since wala naman sila sa kompanya, nais niyang makipag-
