"WHAT?!" Halos manginig ang buong katawan ni Sam nang marinig ang sinabi ni Toneth sa kabilang linya. "Nasaan kayo?" Tarantang tanong pa niya sa kausap.
Tinawagan siya nito upang ibalita na isinugod nito sa emergency room si Graciella dahil hindi na bumababa ang lagnat nito. Alam niyang may lagnat si Graciella at araw-araw naman niya itong pinupuntahan, kahapon nga ay bago siya umalis sa mansion nila ay okay na ang timpla nito at sinat na lang, pero binilin pa rin niya kay Toneth na ituloy ang mga gamot na bigay ng pedia. Napa-check up na niya ito at akala niya ay okay na.
"Dito sa Lucas hospital ko po siya dinala, ate..." Halata pa rin sa boses nito ang taranta at pag-aalala.
"Sige-sige at pupuntahan ko na kayo ngayon din. Please, huwag mong iiwan si Graciella. I'll be there!" Agad n
