MAAGA pa lang ay nakaabang na si Luna sa labas ng gusali ng Montejo Group of Companies. Agad niyang kinuha ang phone nang maramdaman ang pag-vibrate niyon.
“May meeting si Boss sa Makati. Nandito na kami sa basement parking, palabas na,” wika ni Mario sa text message.
Mabilis niyang sinilid ang phone sa bulsa ng suot na jacket pagkatapos ay agad nagsuot ng helmet. Tumalon ang puso ni Luna nang matanaw sa loob ng kotse si Blaine. Nakaupo ito sa likod habang nakatungo habang si Mario naman ay nakaupo sa unahan katabi ng driver.
Hinayaan muna ni Luna na bahagyang makalayo ang kotse na sinasakyan ng binata bago siya sumunod. Habang binabagtas ang daan ay nakasunod lang ng tingin si Luna sa kotse ni Blaine. Nang mga sandaling iyon ay tila natutukso siyang humabol at umagapay sa sasakyan n
