Single Mom Series 1 JANA DAZA

Single Mom Series 1 JANA DAZA 1

Chapter 1

"Naks, buti naman girl at maaga ka ngayon. Akala ko mali-late ka na naman pumasok." Ani ko sa aking kapalitan sa duty na si Merian. Kailangan ko kasing mag madali makapag out para maabutan ko yung cab na pang alas dos. Susunduin ko pa kasi sa school ang aking kinder na anak.

"Oo beks, inagahan ko talaga at baka uminit na naman ang ulo mo sakin. Kilala kita, ayaw na ayaw mo pa namang mag charity parati. O, ayan na si Mam, palitan na tayo ng kaha para maka-gora ka na."

"Naku, wag mo pinapainit ang ulo ni buntis, baka maging kamukha mo baby nya, Mer" sabi ng aming manager on duty na si Mam Crista.

Isang taon pa lang ang anak kong panganay na si King ay service crew na ako at ngayon nga ay kinder na ang aking panganay. Ngayon ay pitong buwan akong buntis at lalaki ulit ang aking magiging anak.

Mahirap maging isang service crew, kailangang mahaba ang pasensya mo sa mga customer dahil minsan may mga customer na maiinit ang ulo at mga service crew pa ang pagbubuntunan. Yun tipong paninda lang naman namin ang binili nila pero kung maka asta eh para bang binili na din nila ang pagkatao namin. Pero kahit ganun ay mahal ko ang aking trabaho at masaya ako sa ginagawa ko.

Dalawampu't apat na taong gulang ako nang makilala ko si Cris Barredo, ang kinakasama ko ngayon at ama ng aking mga anak. Dati kaming magkatrabaho sa dati naming pinapasukang garments factory. Ngayon ay isa siyang machine operator sa pagawaan ng mga kape. Masipag si Cris pumasok sa trabaho at tuwing rest day niya ay tinutulungan niya din ako sa paglalaba.

Mas bata sa akin si Cris ng tatlong taon. Bunso ito sa limang magkakapatid, tatlong lalake at dalawang babae. Ako naman ay panganay. Anim kaming magkakapatid, apat na babae at dalawang lalake. Pangarap kong makapag tapos sa kolehiyo at maging isang guro ngunit sa hirap ng buhay ay high school lang ang tinapos ko. Nag trabaho na agad ako pagka-graduate sa high school bilang tindera sa isang bakery para makatulong sa mga magulang sa pagpapa-aral sa aking mga nakababatang kapatid.

Tatlo sa aking mga kapatid ay nakapag tapos na ng kolehiyo. Yung sumunod naman sa akin ay nag trabaho din agad pagka-graduate ng high school. Samantalang ang bunso naman namin ay kasalukuyang nag aaral ngayon sa kolehiyo. Halos sunod sunod kasi kung mag buntis noon ang Mama namin.

Pagkatapos ko ngang mai-remit ang aking benta sa walong oras na duty ay dali-dali akong nag palit ng uniporme at nagpalista ng aking second meal. Libre ang pagkain sa amin at kung walong oras ang duty mo ay may second meal ka pang makukuha, meryenda kumbaga. Spaghetti at iced tea ang kinuha kong second meal. Agad ko itong kinain dahil gutom na kami ni baby. Nang mailagay ko na nga sa utility room ang aking pinagkainan ay lumabas agad ako ng store para mag abang ng cab.

Saktong pagkatawid ko ng kalsada papunta sa sakayan ay natanaw ko na may paparating na cab. Mahirap sumakay papunta sa pinapasukang paaralan ng aking anak dahil tuwing tatlumpong minuto lang nadaan ang cab. Kadalasan pa ay punuan na ang cab kaya mag hihintay uli ako ng tatlumpong minuto pag di ako nakasakay sa unang dumaan.

Maswerte na lang ngayon at may bakante pang upuan kaya maaga akong makakarating sa school. Pagkababa ay maglalakad pa ako papunta sa mismong paaralan ng aking anak. Pawisan na ako ng makarating sa paaralan. Summer na summer ba naman ay may pasok ang mga bata. Nang dahil sa virus na kumalat sa buong mundo kaya nabago ang pasukan. Yung dating buwan ng April na dapat ay bakasyon na ng mga bata ngayon ay may pasok pa din.

"San Agustin! Lapit na po ang parents ng Kinder San Agustin! Labasan na po ng mga estudyante ni Mam Carla". Tawag ng nagbabantay sa gate ng paaralan. Tamang tama pala ang dating ko dahil saktong uwian na ng anak ko pagkadating sa paaralan.

Mabilis kong hinanap sa kumpol ng mga bata ang aking anak. Pagkakita ko sa kanya ay kinawayan ko agad sya at sabay ngiti hanggang sa makita nya ako at lumapit sa akin at nag mano.

"God bless you. Paalam ka na po kay Teacher, anak".

"Bye Teacher!" Sabay kaway nito at ganun din ang ginawa ng kanyang guro.

"Anak, ano po ang ginawa nyo sa school ngayon? Di ka naman nag pasaway at nag kulit kay Teacher?" Tanong ko habang nag lalakad kami papunta sa sakayan. May pagka-makulit kasi sya at madalas yun ang feedback sa kanya ng teacher pero napagsasabihan naman daw.

"Nag color po kami, Mama. Di naman po ako nag pasaway, konti lang"

Natawa ako sa sagot nya. "Ikaw talaga, wag laging mag pasaway sa teacher ha?"

"Opo, Mama".

Pagkagaling namin sa school ay dumiretso na kami sa bahay ng parents ni Cris. Tuwing may pasok sa school ay doon natutulog si King dahil maaga lagi ang pasok ko sa trabaho. Isinasabay na nila si King tuwing maghahatid sila ng mga estudyante na nagpapa service sa kanila sa school.

"Anak, hubarin mo na po agad ang uniform mo at magpalit na ng damit dahil basa na ng pawis yang uniform mo". Utos ko kay King.

"King, dalhin mo na dito apo ang hinubad mo para masama ko na sa mga nilalabahan ko." Sabi ng kanyang Lola Rissa. Noong una ayaw ko na sana na sila pa ang mag laba ng mga damit ni King dahil nakakahiya. Halos sila na din kasi ang nag aasikaso kay King tuwing may pasok ako sa trabaho.

"Sige po, Mama Riss" sagot ni King.

"Meryenda na kayo be ng Mama mo. May kanin dyan, may sinabawang isda, di ba yun paborito mo, mga sinabawan. Jana, kain na kayo pakainin mo na si King at maaga yang kumain kanina " Ani naman ng Lolo Eddie nya. Kaya naman nag sandok na ako at nag share na lang kami sa iisang plato ni King habang sinusubuan ko sya.

Anim na taon na sya pero sinusubuan ko pa din sya paminsan minsan dahil nami- miss ko nung mga panahong baby pa sya. Tuwing rest day lang kasi namin sya nakakasama ng Papa nya, tuwing araw ng linggo lang dahil nga may kanya kanya kaming trabaho at sya naman ay pumapasok din sa school.

Pagkatapos kumain ay nagpababa muna ako ng kinain bago umuwi. Bandang alas kwatro ay umuwi na ako dahil bibili pa ako ng uulamin namin mamayang gabi at maglalaba na din.

Palitan kami ni Cris pag maglalaba, pag wala syang overtime sa trabaho ay sya ang maglalaba pero pag meron naman ay ako na ang naglalaba kahit medyo masakit na sa tiyan dahil malaki ako mag buntis at medyo naiipit na si baby.

Hindi naman kami natatambakan ng damit dahil araw araw kaming naglalaba kaya mabilis lang din ako natatapos.

Pagkagaling sa palengke ay nagpalit agad ako ng pambahay at nagpahinga saglit para masimulan na ang paglalaba.

Matapos maglaba at magsampay ng mga nilabahan ay nag luto na ako ng pagkain namin para sa hapunan.

Kung maaari lang sana ay ayaw ko nang maglaba dahil masakit na parati ang balakang ko pati na din paa dahil sa kakatayo tapos mabigat din ang tiyan ko. Kaso nahihiya naman ako kay Cris na antayin ko pa syang umuwi e pagod din naman yun lalo at nag overtime sa trabaho.

Alas sais na ng gabi ng matapos ako maglaba at magluto pero wala pa din si Cris. Medyo napapadalas ang overtime nya nitong mga nakaraang araw.