رواية اغتصبوا حياتي

#اغتصبوا_حياتي #بقلم_منى المجبري وصلوها 400 كومنت انزل الحلقة الثانية وديروا متابعه للايميل بيش اول ما انزل يوصللكم? مقدمه: عارفين معنى كلمه (ا****ب ) الا****ب ميوقفش عند مفهوم سلب الحاجه الغاليه الحاجه الخاصه بيك الى محرمه على غير زوجك من مفاهيم وطرق الى ينقسم لها الا****ب ا****ب ( الحيااه) اكيد تسألو كيف ا****ب حياه ، ا****ب الحياه هوا هدم طموحك ورأئيك ك انثي من وجهه نظر الجنس الآخر ، الانثي كائن ضعيف وهش وبسهوله ين**ر وكيف مااطلقو علينا ناقصات عقل ودين ، وفي ا****ب الشخصيه وهضا الشئ عن طريق التنمر تن*دم شخصيه الإنسان ؟ تمام عرفت سوألكن اكيد تقولو كيف نغيرو المفهوم هضا وكيف مانضعفوش ونقعدو زي مايبو هما ي**رونا في اي وقت ويهدمو حقوقنا شن مص*ر الى نستمدو منا قوتنا ، كيف نمنعوهم من التنمر علينا ؟ ه نجاوب ع كل سوأل يدور في عقولكم بس خطوه ب خطوه❤ هيا نبدو مع بعضنا وه تفهمو اكثر اول شئ ه نعرفكم ع بطلتنا❤ البطله: رسل مواليد 1992 رسل من عائله صعبه التقاليد وتفكيرهم متحجر اشويا مواصفاتها شعرها طويل كيرلى وأكثر شئ تحبه شعرها ❤ عيونها اصغار ،وخشمها كبير بشرتها قمحيه ، وجسمها دبدوبه ،كانت بنت عاديه ، مش زي بطلت اي روايه او قصه مش جميله بلع** كانت بسيطه وجوهرها هوا الي يمتلك الجمال، قلبها طيب وتحب الخير لكل الناس (لقَدْ خَلَقْنَا الْإِنسَانَ فِي أَحْسَنِ تَقْوِيمٍ ?.) مهما كان في ناس يتنمرو ع شكلك قوي ايمانك لان الله هوا الي خلقك وفي احسن تقويم ديما خلي جمالك ينبع من الداخل من القلب ، خليكِ انسانه روؤفه وحنونه على غيرك من الناس فلا حياه بدون موده وحب وقلب يدق بِ الايمان و بِ طاعة الله يتبع.... Part1 مصبيه في المحكمه والكل يشوفلها خذت إذن وطلعت من قاعه المحكمه وقعمزت ع كرسي ، نقدر نسميه كرسي الذكريات وردت بيها ذاكرتها الى الماضي خيريه : هيا كلمه وحده مفش غيرها الى يقولها باتك تمشي رسل بدموع : بس ظلم نبي نحقق حلمى حرام نهى(اختها متجوزها ولد عمهم): اسكتي لا حلم لا يحزنون نهايتك حوش راجلك معندنش بنت تكمل قرايتها وعلى أساس فالحه فيها القرايا رسل بِ **ره : خاطري نحقق حلمي حتى لو صعب حتى لو منفهمش بسرعه بس خلوني نحاول خيريه بِ حزن : معندش لكي حل باتك دار ل خواتك كلهن هك بعد شهاده ثانويه تقعمزي ف الحوش واول عريس يجيك نعطوك قعمزت رسل على الفراش وحاسه ان فى شئ ان**ر بِ داخلها ودموعها موقفوش، جتها اختها وحطت ولدها عند رسل نهى : امسكي غيري للعيل وديري حاجه ع حالك خيريه: وين ماشيه نهى: نحط المقطع على النار خيريه : جايه معاك طلعت خيريه ونهى ، خذت رسل ولد اختها غيرتله وحضناته كانه بحضنها للطفل تتناسه ألمها ?، ( اول نقطه : طبعآ ديما الاهل يبو أطفالهم شاطرين ومن الاوائل بس نبي نفهمكم نقطه ياجماعه قدرات العقل تختلف من شخص لأخر والشئ هضا من عند ربي يعني ياريت تبطلو كلمت غ*ي (يكرم القارئ ) وتبطلو تقارنوهم بِ غيرهم ه تولدو فيهم الكرهه والحقد وتتعب نفسيتهم وبس بطلو تجو عليهم حتى هما يحسو وقلبهم ين**ر وتهدمو في شخصيتهم حاولو تفهموهم على مقدار استوعابهم وبس ، ❤) تسريع الاحداث بعد مرور شهور على صفره الغذاء احمد : ل امتى بنتك ه تقعد ماده وجهه خيريه: نصيب احمد : ه الخشم ماني عارف من وين جايبته والاعاقه الي في كراعها من ب يأخذها بس خيريه : الله غالب ناض احمد وسيب الوكال نهى: شفتي كيف نكدتي ع باتك يا هم رسل بِ غصه: شن ذنبي انا شن درت نهى : اهتمي ب شكلك بيش تزوجي رسل : وشن فرق لو ازوجت او قعدت نهى : باتي يبي ينفك منك انتِ حمل على قلبه رسل بِ برائه: ماهو انتِ متجوزه وتقعدي بِ الشهور عندنا شن الفرق يعني نهى بِ حقد : يا قليلت الأدب تعايري فيا نوضي نوضي سيقي المطبخ ومعش نسمع صوتك ناضت رسل وهيا مش فاهمه ليش هلها هكي ، خشت للمطبخ //////////// خيريه: لكن رسل معاها حق وينه راجلك نهى بِ **ره : قاعد غير طالع زرده مع اصحابه خيريه : اها نهى : عندي فرح صحبتي يوم الجمعه خيريه: به عدى غيري جوك واسألى راجلك نهى : اها قتله ووافق تمشئ معاي تغيري جو خيريه بِ فكره : خوذي معاك رسل بالك يجيها نصيبها نهى : صح فكره والله قطع حديثهم خشت احمد وخوه حمدي ومراته وولده وبنته وكاين في يديهم ساكوات حمدي : السلام عليكم نهى ، خيريه : وعليكم السلام خيريه ووجهه اصفر : تفضلو احمد : حمدي وزينه وميار وطارق يبو يقعدو عندنا الفتره هذ يديرو في صيانه لى شقتهم خيريه وقلبها بِ يوقف : الحوش حوشكم وينه بِ تعزيق كلام : قبل نبو نجو عندكم يا نهى قلت مانمشى إلا لولدي رنيت عليه قالى نهى عند هلها وانا مع اصحابي قلت نجي عندكم وخلاص نهى بِ خوف: نورتي يا عمتي خيريه : كنه العيل ديما طافش رد بالك منه نهى بِ خوف: حاضر ميار: وين رسل نهى : قاعده في المطبخ ميار : تمام نبي نمشيلها طارق : ونا نبي اميه خشت ميار وطارق للمطبخ /////////// كانت رسل لابسه توته وفاتحهه شعرها وتغسل في كبايه فجأه حد حضنها التفتت لقت ميار ميار بحب : وين مغيبه رايفتلك رسل : حياتي حتى انااا طارق بِ وقاحه : كل مانشوفك نلقاك زايده اخره شويا وتقعدي فيله ههههههه ميار بِ حده: طارق خلى البنت في حالها ابتسمت رسل بِ **ره، وشرب طارق اميه وطلع ميار : متعدلش عليه هوا هكي متخلف رسل : عادي كلهم يحكو هكي مش هوا بس ميار : كلهم غالطين محد يعرف انك جوهره ساد طيبت قلبك واخلاقك رسل : عادي حبيبتي متشغلش بالك تعالى ن**دو في الدار ميار : هيا ياريت مرايفه للهدريز معاك طلعت رسل ومعاها ميار وخشن للدار ميار : محلاه سريرك مريح رسل : خلاص اليوم ترقدي فيه انتِ ميار : وانتِ وين ترقدي رسل : توا نرقد ع الارض منحبش النوم على السرير اصلآ ميار : براحتكك ، رسل ضحكيني بِ نكتك البارده رسل بِ ضحكه موجوعه؛ ههههههه حاضر ، مره كان في طياره حلقت قلولها نعيمآ ميار : وهههههههههههه متتتتت رسل بِ خوف : اسكتي يا مفضوحه ه يهزبونا ميار : نكتك يضحكن رسل : ماهو تافهه هضا عليش تضحكي?‍♀️? ميار : به قولى وحده ثانيه ابليز رسل : مره في خبزه بايته قلولها روحي ميار :??? هدرزت رسل مع ميار وتغيرت نفسيتها ❤ /////////////// ثاني يوم في العشيه خشت نهى على رسل وميار في الدار وفتحت الباب بِ قوه ميار بخوف : كنك بسم الله تقول خاشه تبي تحبسينا نهى : هههههه لا غير عندي موضوع مستعجل نبي نقوله لى رسل رسل بخوف : شن في نهى : عندي فرح صحبتي ونبي ناخذك معاي بكرا نبيك تبرمي على روحك واختاري احلى قفطان رسل بخوف : منبش نمشي ميار بِ حماس: شن ماتبش نمشي انا وياك معاها نهى بِ عصبيه : شن ماتبش مش بجوك راه نبو نزوجوك ونتريحوو رسل بِ احراج : حاضر توا نمشى شافتلها نهى من تحت لى فوق وقالتلها نهى: اصلا كان عليا مانخذكش شكلك يشيب الهم شوفي كيف انا جميله وشوفي شكلك تقول مش اختي كيف ب ِ نقول عليك اختي بس افف ميار بِ حده : كنك مستعار منها رسل تسواكم كلكم ومش كل شئ جمال وبعدين هيا تهبل جمالها مميز ساد روحهها الحلوه نهى بِ خوف : ماقلت شئ نحكي عادي، حي عليا العيل يعيط نمشي نشوفه طلعت نهى وقعدت رسل تحكي مع ميار الى تحاول تخفف عليها ( ثاني نقطه : ملاحظه في بنات واجد يستعيرن من خواتهن ويحطمن فيهن قدام الناس والشئ هضا اكبر غلط ، مفروض الي تمس اختك اتمسك وديما فهميها ولو شفتي غلط صلحيها لها بِ اسلوب وصاحبيها غلط تهدمي شخصيتها مرات تساهمي في قتل روحهها، في النهايه خوات ومالكنش إلا بعضكن انتِ واختك واحد ❤ مفش حد يستعير من روحهه؟ ) ميار وهيا تحاول اتلطف الجو: شن رايك انديرلك وصفات للتبيض وحب الشباب وهكي عشان بكرا رسل بِ **ره: انا راضيهه بروحي بس ديريلى وخلاص عشان نهى ماتهزبنش ميار بِ حزن : نوضي حبيبتي لازم تهتمي بِ روحك وه يجيك احسن عريس صدقيني رسل بِ قهر : باهي ناضن البنات وبدن ايديرن في مسكات❤ رسل : هضا شن ? ميار : متعرفش تبطلى اسئله? رسل: هيا نبي نعرف طريقته يا حقيره يا وجهه الجرجيره احكي?? ميار: هضا للتبييض ، طماطم حب و نشاء رسل: اممم، وهضا شن ميار : هضا للحبوب عسل وليم، وقهوه وليم رسل : حلو يا جويلل?، وهضا شنو ميار : بيش تعرفي بس? هضا مرطب للفم و. رسل : لا خلاص مش ه نحفظ هذين كلهن ساد? ميار : عارفتك فاشله اصلآ وقعدن البنات يحطن في المسكات? لين نعسن وخشن للنوم❤ ////////////// ثاني يوم في العشيه كانت رسل مصبيه قدام المرايا وتشوف لى شكلها رسل بضحكه : والله الزواق يغير? ميار : بيش تعرفي بس رسل : لانقنك خبيره خشمى اختفاه ، يانويرتي على الرجاله المغشوشين ? ميار بضحكه : خليها ساكته ياما يديرو حتى هما رسل بصدمه: شن يدير مكياج قصدك ميار : اشى فتله واشى مسكات واشى صبغات خليني ساكته رسل : ووه معقوله ميار : هضا الواقع يا حنه قطع حديثهم صوت مؤيد وهوا يبكي ، جاته رسل رفعاته رسل : اسس حبيبي كنك جعان ياروحي ميار : امشى اعزقيه لى امه رسل : كنك متحبش الاطفال ميار : منحبش الهرجه انا والفرخ هضا24 ساعه فاتح فمه مش عارفه كيف متحملتيه بس رسل بِ ابتسامه : الخاله والده ميار بِ ضحكه : به يالحنونه توا حطيه عند امه وتعالى نديرلك التسريحه يلا رسل :نهى تغير ماهو ميار: حطيه عند امك ولا امي مش قصه يلا بسرعه وقت نبي نبدا في روحي رسل بِ خوف : زعما خوك قاعد منقدرش نطلع هكي والعبايات ومحارم الصلاه في الدار الاخره ميار : لالا طلع امبدري رسل : تمام نحطه ونجيك ميار: بهه نشفتي ريقي ? طلعت رسل وهيا تضحكك، مشت للمطبخ لقت امها خيريه بِ صدمه : مشاء الله غزاله ابتسمت رسل بِ صدمه اول مره امها تمدح منظرها? رسل : ماما خوذي مؤيد شويا مزال ماكملت لبس خيريه : قاعده انوتي في العشاء عطيه لى امه رسل : به وطلعت للدار رسل : نهى امسكي مؤيد لين مانكمل لبسس كانت نهى ادير في الميك اب على المرايا شافت لى رسل من المرايا و ضحكت نهى : وووه ههههه منظره يقتل رايحه زي البطريقه ب الضبط رسل بِ **ره: ممكن تاخذي اولدك نهى : عليك انانيه ماهو تشوفي فيا مزال ما كملت رسل : به انا مزال مادرت شعري نكمله وناخذه مش ه نطول نهى بعدم مبلاه: ديريله رضاعه جعان بعد يرضع يسكت على مادرتي شعرك ، والحليب في المطبخ البراني رسل بِ استسلام: بههه مشت رسل للمطبخ البراني خذت الحليب وجت تبي تطلع بسس كان طارق مصبي على الباب رسل بِ صدمه وتغطى في روحههاا: ط طارق طارق : اووو معرفتكش الحق ههههه دفاته رسل وطلعت وهيا تبي تموت من الاحراج دارت لى مؤيد رضاعه ومشت لى ميار بيش ديرلها التسريحه ميار : كنه جوك متلخبط رسل ودموع في عيونها: خوكي شافني بِ المنظر هضا ميار بخوف : لاااا متقوليهش رسل : وحق الله ميار : خليك بعيده علييه تسمعي فيا رسل بخوف : به به /////////////// تسريع الاحداث كملن البنات وطلعن للصاله، كانت رسل لابسه قفطان اسود قبل الركبه ومفتوح ظهره وجسمها مبروم ودبدوبه طلع حلو عليها دارت ميك اب ترابي وغير ملامحها وشعرها تسريحه، وكانت رسل لابسه قفطان دمي وميك اب اوفر وشعرها مفتوح وكذالك نهى بس نهى كان قفطانها فضي كانن مقعمزات على الطاوله وفجأة جتهم بنت البنت : السلام عليكم نهى ، ميار ، رسل : وعليكم السلام البنت وجهت كلامها لى ميار: انتِ مخطوبه ميار بِ احراج: لالا البنت : امك وين قاعده في القاعه ميار :لا مش معايا جايه مع بنات عمي البنت : تمام عطيني رقمها ممكن تقوليه ليا ميار : اها ٠٩٢ البنت : يصير خير، تعالى ارقصي معايا ميار بِ احراج : به، رسل تعالى معانا رسل بِ ابتسامه : لا حبيبتي منعرفش نرقص انا ميار : براحتك ناضت ميار مع البنت نهى بقهر : انا جايبتك بيش يخطبوك يا هم شفتى اهو المفصوعه ميار حصلت عريس وانتِ لا رسل بِ حب : ربي يكمل عليها ويفرح قلبها نهى بِ قهر : انتِ شن ماتغريش ماتحسيش رسل : عليش نبي نغار زواج راه الناس كلهم يزوجو مش موضوع نهى : تبي تجلطيني صاح نوضي ارقصي نوضي بالك حد ياخذك رسل بخوف : شن نرقص منعرفش اكراعي متحركش زيكم راه نهى : نوضي ساد حشمتى بيا ومش لابسه كعب كلمه هيا راه نمسكك من يدك ونركبك ع المسرح شوفي ميار ، اعيون الصبايا قريب ياكلوها ناضت رسل ودموعها بِ ينزلن رسل في عقلها : انا مش زيهم انا عندى اعاقه ليش ماتفهم ليش شن ذنبي ياربي ركبت ع المسرح وحاولت ترقص، بس دنيا ظلمت في عيونها واكراعها رخت بيها وطاحت?? جتها ميار تجري رفعتها والبنات كلهن يشوفلها والى اتهزه والى شفقت عليها والى تعيب على الموقف( وكل واحد وتفكيره وطريقه تربيته?) خذتها ميار وقعمزتها ع اول كرسي ميار بِ خوف : انتِ اكويسه رسل بِ دموع : اها ميار : عليش تبكي ياقلبي رسل : انا علة ع المجتمع? قطع حديثهم صوت نهى وهيا تهزب نهى : ديما جايبتيلى العار نوضي يا هم ميار : بشويا كنك معاها نهى : شن كني معاها زي النعجه حتى خطوتها مش متحكمه فيها ميار : مش بِ يدها معش تحكي هكي نهى: نوضن باتي برا نكدت عليا وفضحت بيا الله ينكد عليها طلعت نهى وميار ، ورسل دموعها على اخدودها واكراعها توجع فيها ، وطبعا نهى ماسكتتش كل شويا عزقتلها كلمه ، روحو وخشت ميار للنوم طول ( محرها **رت الخاطر ??) ناضت رسل في ليل مضايقه تحس في حاجه على قلبها ومضايقتها، طلعت للمطبخ شربت اميه بس مزال حاسه بِ النفسها بِ ينقطع طلعت برا للجنان قعدت تمشى وتبكي وفجأه حد يكرها ويسكرلها فمها و... يتبع ....... وصلوها 200 تعليق? يتبع. .. ب قلم : منى المجبري ومسموح ب نقل الروايه ب وجود اسمي❤ متابعه للايميل منى المجبري او روايات منى المجبري او واتباد munaalmajbry ،رأيكم يهمني .،❤بقق لووف