NAGISING si Tales sa isang malakas at nakakairitang ingay. Kung hindi siya nagkakamali ay para iyong pinupukpok na kahoy. Namulat kaagad siya. Mula sa kanyang harapan ay agad niyang nakita ang isang lalaki na nagpupukpok nga sa harapan ng bintana ng kanyang kwarto. "Sino ka?" Tanong niya dito. Natigil naman ito sa pag pukpok. Pinunasan pa ng bahagya ang pawis na namuo mula sa noo nito at sabay tingin sa kanya. Bata pa ang itsura nito, mabigote at medyo maitim ang balat.
"Ayy Sir pasensiya na ho at nagising ko kayo?" Medyo malabo pa ang kanyang mga mata ngunit habang tumatagal ay bahagya itong lumilinaw. "Manong ang tanong ko po eh sino ho kayo? At ano yang ginagawa ninyo sa bintana ko?"
Tuluyan na nitong ibinaba ang martilyong hawak hawak nito. "Ahmm napagutusan lang ho ako ng Mommy niny
