:- ما تقول يا عم صابر فى إيه ؟
:- كان فى بت إنما إيه شاطرة جوى لساتها متخرچة من الچامعة ، كلية تچارة و أبوها مات أديلو شهرين و أمها على كدها و ..
**ت قليلا ليقاطعه كرم بعد ان فهم ما يقصده
:- خلاص يا عم صابر فهمت هديلك مبلغ تديهولهم كل شهر
فأسرع صابر نافيا
:- لاه مش دة جصدى ، فهمتنى غلط يا ولدى ، هما ناس فجيرة اه لكن عندهم عزة نفس ما يمدوش إيدهم لحد واصل .
سأله كرم بهدوء
:- ما انا مش فاهم بردو يا عم صابر إنت عايزنى أعمل إيه ؟
تحدث صابر بترجى
:- تشوف شغلانة ل جميلة بت شاطرة و واعية و متعلمه لساتها مخلصة چامعة بجولك ، و بصراحة أكتر أنا خايف عليها تشتغل مع حد غريب يطلع ابن حرام يضايجها ، فملجتش أأمن من عيلة مهران أشوفلها شغلة فيها .
إبتسم له كرم ثم أخذ يفكر قليلا و سأله مرة أخرى
:- إنت قولتلى معاها كلية إيه
أسرع صابر
:- تچارة يا بيه
إبتسم له كرم و قال
:- زميلة يعنى
