:- سجاير يا حنين !
هتف بها صوت جعلها تنتفض من مكانها بفزع
وضعت يدها على ص*رها تهدئ من خوفها الذى تلاشى عندما رأت وليد
صدحت ضحكات وليد عاليا و هو يجلس على الكرسى بجوارها
:- قلبك خفيف يا نونو
:- خضتنى يا وليد حرام عليك
مال عليها و همس بأذنها
:- سلامتك من الخضة يا قلبى
إحمرت وجنتيها من الخجل و إبتسمت بخفوت و هى تشيح بوجهها عن عيون مروة التى تتابع ما يحدث بخبث
هتف وليد يقول
:- عندى ليكو مفاجأة رحلة للجونة أسبوع حاجة كدة وهم ها هتقولوا جايين ؟
صاحت مروة بفرح و قالت
:- دى هتبقى تحفة أنا كان نفسى أروح الجونة من زمان ( ثم رفعت إحدى يداها و هتفت ) أنا معاك
أطرقت حنين رأسها بحزن و غمغمت
:- بس أنا مش هينفع أروح معاكم
قلبت مروة عينيها و قالت بتأفف
:- ليه بس
:- بابا مش هيوافق أخرى بيودينى رحلات جوة إسكندرية لكن أبات برة و كدة مستحيل يوافق
أدار وليد وجهه و قال متصنع الجدية
