جلست بجواره فى السيارة تتطلع من النافذة المجاورة و تُمتع عيونها بالمناظر الخلابة حولها ، الأراضى الزراعية يسيطر عليها اللون الأخضر يتداخل معه ألوان اخرى زاهية تخص بعض الفاكهة المختلفة التى تنتشر رائحتها بالأجواء
قطع شرودها بصوته الرخيم حين سألها بغتة
:- زعلان منى مش كدة ؟
لم تتعجب لسؤاله بل أنها توقعته ، فبالتأكيد إستمع إليها و هى تتحدث معه رغم صوتهم الخفيض
أجابته بثقة
:- دلوقتى زعلان بس بعد كدة هيفقد الثقة فيك
أومأ لها و هو يطالع الطريق أمامه بهدوء فأردفت
:- لو تعرف مكان باباه أو تقدر تتواصل معاه خليه يرجع ، زين بدأ يحس إن باباه كمان سابه و مشى زى مامته و دة مش هيكون سهل أبدا عليه
إلتفت لها يحيي و على وجهه علامات الإستنكار و قال
:- المفروض يبقى واثق فيه أكتر من كدة
هتفت بحدة
:- يثق فى مين و الوحيدة اللى المفروض يثق فيها سابته و مشيت !
إنت متخيل يعنى إيه طفل مامته تسيب
