Kunot noo kung tinitigan si Liam. Bakit kailangan ko pang sumama? Dalawang taon na kaming hiwalay kaya paanong hindi pa nalaman ni Lola Emilda ang tungkol sa amin?
“Paanong nangyaring hindi pa niya alam?” naguguluhan kong tanong sa kaniya. Nasa loob na kaming dalawa ng bahay, mahirap namang mag-usap kaming dalawa sa labas. Kilala kaming dalawa dito dati bilang mag-asawa, nakakahiya namang makita kami ngayong magkasama kahit hiwalay na. Humugot naman na muna siya ng isang malalim na hininga saka kinamot ang batok bago tumingin sa akin.
“Nasabi ko na sa kaniya noon ang nangyari pero tumatanda na si Lola at nakakalimutan niya na ang ilang mga sinasabi sa kaniya, naalala ka niya bilang asawa ko pa rin. Nakakaabala man pero kakapalan ko na ang mukha ko sayo para lang kay Lola kahit stay lan
