“Akala ko talaga kung ano lang ang ipapalaro sa atin ni Ms. Abby. Ang galing lang kasi sa lahat ng pinapalaro niya ay may kinalaman sa trabaho natin.” saad ni Grace habang kumakain sila ng meryenda. Nakaupo silang dalawa sa tabi ng tent nila at nag-uusap.
“Kaya nga tinawag siyang team building eh, malamang magiging konektado iyun sa grupo natin at sa trabaho natin.” sagot naman ni Candice. Nag-aagaw na ang dilim at liwanag kaya ang iba sa kanila ay naghahanda na para sa kakainin nila sa hapunan. Nagkwekwentuhan naman ang iba sa field at ang iba naman ay nasa loob ng kanilang tent at inaayos ang kanilang mga gamit.
Nang maging abala si Grace ay tumayo naman si Candice at naglakad lakad sa paligid. Nagtungo naman siya papasok sa kagubatan, maliwanag naman sa parteng iyun at sinundan ang
