Habang pauwi na kami ay tahimik lamang siya. Ang isang kamay ay nakahawak sa steering wheel ang kabila naman ay sa mukha niya. Mukhang malalim ang iniisip. Hindi na lang din ako umimik at baka hindi na naman kami magkaintindihan. Kinuha ko ang nabili kong chocolate kanina at kumagat. Napalingon siya sa gawi ko kaya tinaasan ko siya ng kilay.
“Can I have a bite?” tanong niya. Natigil ako sa pagnguya.
“Meron pa ako rito,” wika ko. Umiling naman siya.
“Just a bite,” saad niya.
“Ah-okay,” sagot ko at iniumang ang chocolate sa kaniya. Kumagat naman siya at pinasadahan ako ng tingin.
“Sarap,” aniya at ngumiti. Napangiti na rin ako at mabilis na iniwas ang aking tingin sa kaniya. Ano kaya ang nakain niya ngayon at good mood siya?
“Nabusog ka ba sa pagkain kanina?” tanong niya. Tumango
