Lumipas ang maghapon na hindi pa rin mawala sa isip ko si Kuya Kiel. Pinilit kong magpakabusy sa pagkalikot ng laptop ko nang may maalala ako.
Mabilis akong naglakad patungo sa silid ni Gino pero hindi muna ako kumatok. Inilapat ko ang tenga ko sa pintuan para pakinggan ang nasa loob pero napakatahimik doon.
Marahil ay wala si Gino. Kailangan ko na lamang ngayon ay pumasok sa silid niya para hanapin ang flash drive na hinahanap sa kanya ni Tita Ruth.
Saan naman kaya nagpunta ang malanding bakla na iyon? Siguro ay habol na naman siya ng habol kay Addy. Magsama silang dalawa.
Bumaba ako sa lobby at nagrequest ako ng duplicate key sa receptionist para sa silid ni Gino. Sinabi ko na wala sa hotel ang kaibigan ko at may kailangan akong kunin sa silid niya.
Mabilis naman akong pinagbigyan n
