CHAPTER 23
"MAY NAKAPAGSABI na ba sayong ang ganda mo pag nakangiti ka, Ms. Martinez?" untag na tanong ni Trevor kay Roxanne. Wala pa rin kasi itong kibo mula kanina nang sumampa ito sa sasakyan niya at wala ng nagawa matapos mauna nina Charie kasama si Hugo, Lucy at Chacha.
"Sana hinayaan mo na lang akong sumabay sa kanila," sabi nito ilang sandali.
"Huwag kang mag-alala hindi naman na kita paglalakarin pa, Roxanne. Ayaw ko na rin ng kahit na ano'ng gulo--- ayaw mo rin ng ganoon 'diba?" aniya dito. Walang kibo ito sa kaniya nanatili lang sa unahang daan nilang dalawa.
"Mukhang masama na talaga yata ang tingin mo sa akin at hindi na mababago pa."
Isang mahabang katahimikan ang pumagitana sa kanilang dalawa. Hindi niya alam kung ano'ng gagawin para mapukaw ang atensyon ni Roxanne
