CHAPTER 24
NAKARATING na sila sa Moa, sabi sa kaniya ni Trevor nandoon na raw sina Hugo. Nauna itong bumaba ng sasakyan at agad na umibis sa gawi niya para pagbuksan siya.
"Salamat," aniya rito pagkababa niya.
"Hindi ka na sana nag-abala, kaya ko naman bumaba mag-isa.."
"Para naman tayong hindi magkaibigan niyan. Huwag mong sabihin sa aking binabawi mo na ang napag-usapan natin kanina?"
Tumawa siya.
"Hindi. Nakakapanibago lang din kasi. Mukhang nagiging gentleman ka yata ngayon, parang nakakakaba naman 'yon," natatawang turan niya dito. Iyon ang tagpong naabutan ni Lucy, Hugo, Charie kasama si Chacha.
"Ehem. Ehem. Parang may nagbago yata ang ihip ng hangin dito," mapanuksong sambit ni Charie sa kanilang dalawa ni Trevor. Nahihiya siyang umiwas ng tingin dito, binaling niya ito sa
