CHAPTER 37
HALOS hindi nakatulog si Roxanne sa mga naiisip niya mula sa natuklasan kay Charie, na may kinalaman kay Trevor. Mabigat ang katawan niyang bumangon. Ang daming tanong tumakbo sa isip niya--- tulad na lamang kung saan ba siya magsisimulang alamin ang lahat tungkol kay Trevor. Kung may kinalaman nga ba ito kay Pablo.
Napapikit siya ulit. Masyado naman yatang maliit ang mundo kung posible ngang may kinalaman ang dalawa. Ano na lang ang gagawin niya? Paano niya magagawa ang mga binabalak niya sa inaakalang nanakit kay Summer.
'Bakit ba nangyayari 'to?' tanong ni Roxanne sa sarili. Pilit niyang iniindang maaaring may kinalaman nga ang dalawa sa isa't isa. Pero paano niya uumpisahang alamin? Kung siya mismo walang kinalaman tungkol kay Trevor--- ang alam niya lang amo niya lang
