CHAPTER 36
--
DAHAN-dahang binuksan ni Roxanne ang pinto dahil sa pag-aakalang tulog na si Charie. Pero nagkamali pala siya at gising pa ito, prente itong nanunuod ng pelikula sa sala nila. Madalas naman itong ginagawa ni Charie, kung hindi naman ito nanunuod madalas naman itong nagbabasa ng nobel sa isang online platform sa internet ang dreame o yugto. Iba talaga ang trip ng kaibigan niya, pasalamat na nga lang siya at tahimik din itong tao tulad niya. Iyon kasi ang gusto niya sa isang tao--- tahimik lang din dahil madalas tinatamad siyang magsalita talaga.
"May kasama ka?" narinig niyang tanong ni Charie sa kaniya, hindi siya nito nilingon--- mukhang abala ang mga mata nito sa panunuod habang may kinakaing tsitsirya na madalas niyong stock pag namimili ito sa 711 sa baba lang ng condo
