مها و المزرعة

**البارت الثانى** حجز الاملاك

في صباح اليوم التالي طلب الاستاذ سعيد من عم عطيه ان يحضر له كل مستلزماتهم الشخصيه

الاستاذ سعيد : صباح الخير يا عم عطيه

عم عطيه : صباح النور يا ساعت البيه

الاستاذ سعيد : عاوزك بعد اذنك يا عم عطيه تجهز كل الشنط علشان خلاص هنسيب القصر دا واجمعلي كل الخدم الي في القصر علشان اودعهم واحاسبهم وامشيهم ..الوضع بقي صعب قوي بالنسبالي يا عم عطيه ما يسمحش اني ادفع مرتب اي موظف تاني عندي مهما كان المبلغ صغير ، حتي انت يا عم عطيه شوف حسابك كام معاهم وبلغني بيه

عم عطيه : لا يا بيه انا مش همشي معاهم انا مش مستني قبض علشان اقعد اكمل معاك انا هروح معاك انت وست مها المزرعه ...ست مها مش هتقدر علي خدمه نفسها انا متاكد دا انا الي مربيها

الاستاذ سعيد : عم عبده من فضلك انا قولت جمعلي حساب اجور كل الخدم الي هنا بما فيهم انت ؛ انا عاوز مها تعتمد علي نفسها شويه وتخدم نفسها بنفسها جايز الي حصل دا يكون تجربه ليها في صالحها ويغير حالها للاسف انا دلعتها ذياده عن اللازوم ودي كانت غلطتي لازم تجرب تعتمد على نفسها

***

يدخل الاستاذ سعيد على مها في غرفتها ويسالها

الاب : جهزتي كل شنطك يا مها علشان اللجنه الي هتيجي تحجز علي القصر جايه بكره ولازم نكون جاهزين والمكان كله فاضي

مها: ايوا يا بابا جهزت حاجاتي كلها بس انا مش عاوزه اروح المزرعه من فضلك يا بابا شوف اي حل تاني

الاب : مش عاوزين نتكلم في الموضوع دا تاني ؛ الموضوع اتقفل امبارح ؛ صدقيني يا بنتي لو كان في ايدي اي حل تاني كنت اتصرفت بس انا مش هذل نفسي للناس اكتر من كده حتي قرايبنا يا مها محدشفيهم فكر يطمن علينا ولا يساعدنا ؛ يرضيكي ابوكي يذل نفسه للناس كل شويه يا مها

مها: لا يا بابا ما يرضنيش ؛ انا هوافق بس بشرط مش هنقعد كتير هناك فتره صغيره علي ما تكون اي فلوس نقدر نقف علي رجلينا ونشتري شقه حتي لو صغيره في مكان نضيف وراقي وكمان الشرط التاني ان محدش يعرف اننا رايحين المزرعه دي ؛ من فضلك ما تقولش لحد ابدا اننا مسافرين ع المزرعه دي

الاب : حاضر يا مها ودا الي انا ناوي اعمله ان شاء الله هسيبك بقي تجهزي باقي حاجتك

***وخرج الاستاذ سعيد متوجها نحو الطابق الارضي ونادي علي عم عطيه وباقي الخدم

الاستاذ سعيد : جمعتلي كشف فيه كل رواتب الخدمين يا عم عطيه

عم عطيه : ايوا يا بيه والكشف اهو اتفضل ..كلهم رافضين يمشوا يا ساعت البيه وبيقولوا يخدموك بعنيهم وانا كمان اولهم يا بيه حضرتك معاملتك حلوه ما حسستناش ابدا اننا شغالين عندك

الاستاذ سعيد : ظروف يا عم عطيه وكلكم اهلي والله بس لولا الظروف دي مكنتش استغنيت عن اي واحد فيكم ..وكل واحد ليه بيته ومحتاج يشتغل علشان يصرف علي بيته

عم عطيه : طاب مشيهم هما .بس انا هفضل معاك انا هنا من ايام ست مها ماكانت لحمه حمرا

الاستاذ سعيد : بصراحه يا عم عطيه انت اكتر حد انا زعلان اني هفرقه ويعلم ربنا ..بس غصب عني وكمان انا في حاجه في دماغي ؛ عاوز مها تعتمد علي نفسها شويه .شايف اني قصرت في تربيتها ودلعتها ذياده عن اللازوم ؛ خلاص بقي يا عم عطيه ما تكبرش الموضوع هو انت مش هتيجي تتطمن علينا كل فتره ولا ايه راجل دي مكنتش عشره عمر

عم عطيه : اكيد طبعا يا بيه من غير ما تقول انت بس ابقي اكتبلي العنوان في ورقه وانا هجيلك ديما اطمن عليكوا بعنيا يا سعات البيه

*** اخرج الاستاذ سعيد اجور الخدم وشكرهم علي حسن خدمتهم وودعهم وطلع الي الطابق العلوي ..والخدم في حاله حزن شديد علي حال الاستاذ سعيد ولاكن ما باليد حيله كلا منهم له بيته ومسؤال عن بيته وودعوا عم عطيه وطلبوا منه عنوان السكن الجديد للاستاذ سعيد لكي يقوموا بزيارته هما ايضا بين كل حين والاخر وبالفعل اعطاهم عم عطيه عنوان المزرعه وودعوا بعضهم البعض