SUNOD-SUNOD NA pag katok mula sa nakasaradong pintuan ng bahay ni Eya ang kaniyang narinig habang kasalukuyan lang siya na nagluluto ng kaniyang kakainin sa gabihan. Dahil doon kaya hininaan niya muna ang apoy ng stove upang hindi mawalan ng sabaw ang adobong manok na niluluto niya. Pagkatapo noon ay dumiretso na rin siya sa pagbukas ng pinto.
Hindi na siya nabigla pa nang makita niya doon ang kaibigan niyang si Joy. Ito lang din naman kasi ang inaasahan niyang bibisita sa kaniya at wala nang iba pa.
“Hoy babae, ano ‘yun, huh?! Ano ‘yun?!” biglang saad ni Joy sa kaniya na para bang nabibigla ito, kung saan ay pumasok na rin agad ito sa loob ng kaniyang bahay kahit na hindi pa naman niya ito pinapapasok. Hindi naman maiwasan ni Eya na mapakunot ng noo dahil wala siyang clue kung ano ba a
