NAPAPAKAGAT LANG si Eya sa kaniyang labi sapagkat pinipigilan niya ang kaniyang sarili na ‘wag magpakawala nang ngiti. Ayawn niya kasing ipakita masyado kay Zeke na masaya siya ngayong araw. Kasalukuyan lang na nasa loob siya ngayon ng kotse ng binata kung saan ay hinahatid na siya nito pauwi sa kaniyang bahay. Niyaya kasi siya ni Zeke na ihahatid ngayon pauwi, tinanggihan niya naman ito noong una pero nagpumilit pa rin ang binata kaya wala naman siyang magawa kung hindi ang sumang-ayon dito.
Nakapatong lang sa may kandungan niya ang ibinigay na isang bouquet na bulaklak ni Zeke habang nasa may likuran naman ‘yung malaking lobo na para rin sa kaniya. Hanggang ngayon ay hindi pa rin masyadong nagsi-sink in sa utak niya na manliligaw niya na si Zeke.
Alam naman niya kasi na wala pang isang
