KASALUKUYAN LANG na naglilinis ngayon ng swimming pool si Eya sa may likod ng bahay. May dala-dala siya na skimmer, ‘yun ‘yung net cleaner para sa pool na kumukuha ng mga dumi o mga nalaglag na dahon sa mismong tubig. Halos katatapos lang niya na mag dilig ng mga halaman at saka nag gamas na rin siya ng mga ligaw na damo sa may garden. Medyo malaki ang space ng garden kaya naman tumagal siya doon ng halos dalawang oras kaya naman pagkatapos niya ay saktong oras naman ‘yun para makapagluto siya ng tanghalian nilang dalawa ni Zeke.
Kung saan ay pag pasok niya pa lang sa kusina ay awtomatikong natigilan siya nang makita na naman niya ang binata na nagluluto. Seryoso lang na naghihiwa ng carrots si Zeke habang may suot pa ito na dark brown apron.
Mukhang hindi agad napansin ng binata ang p
